نصائح عامة عن المرحلة الثانية

من احد الاوائل عالمرحلة

---

المواد الي اخذناها \ راح تاخذوها

نظري:-

1. معمارية الحاسوب \\\ كورسين
2. اتصالات \\\ كورسين
3.  (كيانية \ هياكل بيانات) \\\ كورسين c++ برمجة
4. انظمة تشغيل \\\ كورسين
5. الكترونيك \\\ كورسين
6. رياضيات \\\ كورسين
7. نظرية معلومات (خاصة بفرع المعلومات) \\\ كورس اول
8. مبادئ الشبكات (خاصة بفرع الشبكات) \\\ كورس اول
9. داتابيس \\\ كورس ثاني

عملي:-

1. مختبر الكترونيك \\\ كورسين
2. مختبر انظمة تشغيل \\\ كورسين
3. مختبر برمجة \\\ كورسين

---

نصائح عن المواد

• معمارية

معمارية ياخذكم دكتور حسن اوحيد. صارلة يدرس اكثر من 17 سنة. اول محاضرتين تعريفية بعدين كل محاضرة حتاخذون كوز اول دقيقة من المحاضرة بالمادي من المحاضرة الي قبها. القراية مال مادر انصحكم بالمصدر الي هوه

computer system architecture by moris mano

انصحكم باسئلة السنين اذا تلكوها لان تجي نفس النمط بس اكو تغييرات بالارقام و المطاليب.

كورس اول تخذون جابتر 4,5,7 و كورس ثاني 8,9,11,12

اليومي يساعد بي الدكتور و يجي من الحظور + المشاركة الكوزات مو كلش

• اتصالات

اتصالات بوكتهة اخذنا دكتور ضاري بس السنة القبلهة اخذتهم دكتورة رند. قريت عالمحاضرات كلش مهمة + المصدر. اسئلته تجي مشكل  فكرية بس تجي من الهومووركات كلش مهمة

Modern digital and analog communiaction systems

تاخذون كورس اول 

am modulation 

و كورس ثاني

fm\pm modulation

اليومي يجي من مشروع مال ماتلاب الة علاقة بالمادة + كوز 

• الكترونيك

ياخذكم دكتور احمد صباح, اعتمدوا المحاضرات فقط لان صراحة اصلا ماعرف المصدر الي يستعمله, اسئلته تجي فكرية ايضا لكن تعتمد عالمحاضرات و الهومووركات الي بالمحاضرات و مرات نسخ لصق لكن اقروا اسئلة السنين لان كلش تساعد.

اليومي هو تقريبا ينطي الكل درجة كاملة مع انه, يمتحن كوزات

• رياضيات

رياضيات اخذتنة ست ازهار, مصدر ميحتاج لان كل الاسئلة تجي من الملزمة و بدون اي تغيير لذلك اذا تريدون تحفظوها بكيفكم بس اني انصح تفهموهة همين

اليومي يجي من الكوز

• انظمة تشغيل

اخذتنة دكتورة ميساء بس ممتاكد اذا تاخذكم همين, ميحتاج مصدر كذلك لان السئلة تجي من المحاضرات, و اذا تكدرون حاولوا تحجون وياها علة تقليصات للمادة قبل الامتحانات.

اليومي يجي من كوز + حضور

• برمجة

البرمجة للكورسين تجيكم ست زينب محمود نظري و عملي, ميحتاج مصدر بس المحاضرات تكفي بس يجوز ينراد قراية خارجية حتة تفتهمون اكثر لان يرادلهة فهم, اضافة الى تطبقون بايدكم اذا تكدرون لان اول و تالي لازم تطبقون

الاسئلة تجي فكرية شوية بس اذا عدكم اسئلة سنين تجي قريبة عالنمط فكلش تفيدكم

اليومي يجي من كوز + حضور

• داتابيس

اضافة للمحاضرات neso academy جتنة دكتورة سلمى و عالاغلب تجيكم كذلك, ميحتاج مصدر المحاضرات تكفيكم بس اني اقترح تقرون علة مصدر خارجي مثلا

الاسئلة صراحة مطشرة و فكرية بس مع ذلك اسئلة سنين تساعد كلش

اليومي يجي من كوز + مشاركة

• نظرية معلومات

هنانة ياخذكم دكتور رياض عالاغلب, ميحتاج مصدر لان كل الاسئلة تجي من الملزمة الي هية 27 صفحة يمكن هيج شي, نفس النمط يجوز بس يغير جم رقم او مطلب, مع ذلك هواية يرسبون لان هو كلش يحاسب عالارقام و القوانين فديروا بالكم.

اليومي يجي من كوز + حضور

• مبادئ الشبكات

اني معلومات و المفروض اخذها مرحلة ثالثة بس حسب كلام اصدقائي من الشبكات. ياخذكم دكتور امير دائما الي هو رئيس الشبكات. المادة تعتمد عالمحاضرات و اذا تريدون اقروا مصادر خارجية, الاسئلة تجي فكرية و طبعا تساعدكم اسئلة السنين

اليومي يجي من كوز + حضور

• المختبرات

مختبر الكترونيك يجي محمد عارف كورس اول, مراح تحصلون درجة بي صراحة لان اسئلتة تجي فكرية و متاخذوهن بالمحاضرات يعني لازم تفتهمون المادة ولو شرحه حلو.

اليومي يجي من الحضور كلش مهم + كوزات + مشاركة شوية + تطبيق

 

صراحة سهل المختبر مابي شي يذكر workbenchمختبر الكترونيك كورس ثاني تجيكم ست ايمان و دكتور عمر عبد جانح, تطبقون دوائر باستخدام 

اليومي يجي من تطبيق + حضور

 

مختبر برمجة تجيكم ست وينب سعيد و ست زينب محمود, الاكواد كلش طويلة عادي تطولون, و تاخذون نفس الي اخذتوا بالنظري بس تطبيق

اليومي يجي من تطبيق اغلبه + حضور

التطبيق عبارة عن تاسكات تنطيكمياها و كلما تخلص جزء من الكود تكلك ضيفلي كذا و كذا, من بين باقي المتخبرات هذا اكثر مختبر يطول تطبيقه

 

مختبر انظمة تشغيل يجيكم دكتور ليث و استاذ اياد, عبارة عن كود نسخ لصق لازم تكتبه, الامتحان يجي سهل كلش اذا تمتحن يم دكتور ليث و استاذ اياد يجيب اسئلة فكرية شوية

اليومي يجي من تطبيق + حضور